- 01:00المنتخب المغربي النسوي يواجه مالي في ربع نهائي "كان 2024"
- 20:47هذا هو تاريخ تسلم نهضة بركان لدرع البطولة
- 20:35النصر السعودي يتعاقد مع المدرب البرتغالي خورخي جيسوس
- 20:13تأجيل قرعة البطولة الاحترافية
- 20:02روما يضغط للتعاقد مع نائل العيناوي
- 19:30الدفاع الحسني الجديدي يقدّم لاعبيه الجدد
- 19:00بلال الخنوس يقترب من سندرلاند
- 18:25لويس إنريكي مهدد بعقوبة من "فيفا" بعد مشادّة نهائي مونديال الأندية
- 23:00الجامعة الملكية المغربية للشراع تعقد جمعها العام الأول بعد انتخاب المكتب الجديد
تصنيف فرعي
تابعونا على فيسبوك
علاش وكيفاش ..المغاربة تيقولو "هادا لله" من الزيادات
المغاربة كاملين مازال مصدومين من الزيادات اللي نزلات عليهم مع بداية لعام الجديد..وماقادرينش يتقبلو أنهم غادين يكونوا مجبرين على تحملها بلا مايكون عندهم حتا شي منفذ يخليهم يقدرو يواجهوها بيه وبصريح العبارة يسدو هاد الفجوة الكبيرة اللي غادي تديرها ليهم هاد الزيادات فحياتهم، واللي بالفعل كتلهب جيوبهم..
الزيادة فالسكر والباسبور والزبدة والبيرمي، ولائحة طويلة..كلها مؤشرات على أن الفئات المهمشة والفقيرة غاتزيد تعاني من تبعات هاد الزيادات اللي هي فالأصل عندها ارتباط بمجموعة من العوامل سواء الخارجية وهنا نقدرو نهضرو على ارتفاع أسعار البترول كمثال قوي أو الداخلية كرفع الدعم على المواد اللي كيدعمها صندوق المقاصة اللي كيتأثر بيها المغاربة بشكل مباشر أو غير مباشر..
ولكن مع هاد الزيادات اللي كتفرضها العوامل اللي ذكرنا..كنشوفو باللي مازال ماكاينينش برامج أو مشاريع اللي من الممكن أنها تنقص من حدة تأثير هاد الزيادات على الطبقة الفقيرة أو المتوسطة، وبالتالي فهي غادا تتضرر بشكل كبير، وفعوض ماتكون هناك حلول لدعم الفئات الفقيرة من أنها تولي أكثر فقرا والحفاظ أيضا على الطبقة المتوسطة اللي هيا بلا هاد الزيادات كتعاني من مجموعة من الصعوبات باش تحافظ على تماسكها على اعتبار أن عدد من التقارير كتشير إلى أنه كاينين 2 طبقات كبيرة فالبلاد وبيناتهم هوة كبيرة بزاف وهوما الطبقة الفقيرة والطبقة اللي كتعيش فالغنى الفاحش، كنشوفو باللي هاد الزيادات غادا غير تزيد فتوسيع هاد الهوة..