-
16:41
-
16:37
-
15:51
-
14:26
-
13:36
-
12:54
-
11:26
-
10:34
-
09:44
ⵙⵓⵏⵊⵉⵍⵉ ⵙⵓⵏ ⵠⵎⵓⵍⵉⵙⵙ
ⴳⵓⵜⴻⵔⵔⴻⵙ ⵉⴳⴻⵔ-ⴷ ⵜⵉⵖⵔⵉ ⵉ ⵓⵙⴻⴱⵖⴻⵙ ⴰⵎⴰⴹⵍⴰⵏ ⵎⴳⴰⵍ ⵓⵙⵙⴻⵜⵜⵉ ⵏ ⵢⵉⵎⴷⴰⵏⴻⵏ
ⵉ ⵍⵎⴻⵏⴷ ⵏ ⵡⴰⵙⵙ ⴰⵎⴰⴹⵍⴰⵏ ⵎⴳⴰⵍ ⵓⵙⵙⴻⵜⵜⵉ ⵏ ⵢⵉⵎⴷⴰⵏⴻⵏ, ⴰⵢ ⵢⴻⵜⵜⵡⴰⵙⴼⵓⴳⵓⵍⴻⵏ ⴰⵙⵙ ⵏ 30 ⵢⵓⵍⵢⵓ, ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵏⵜⵧⵏⵉⵧ ⴳⵓⵜⴻⵔⵔⴻⵙ, ⵉⴳⴻⵔ-ⴷ ⵜⵉⵖⵔⵉ ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⵙⴷⵓⴽⴽⴻⵍ ⵓⵙⵙⵉⵙⴻⵏ-ⵏⵏⴻⵙ ⴰⴽⴽⴻⵏ ⴰⴷ ⵢⴻⵄⴰⵡⴻⵏ ⵡⵉⴷ ⴰⵢ ⵢⴻⵜⵜⵡⴰⴹⴹⴼⴻⵏ ⵙ ⵜⵎⴻⵙⴰ-ⴰ ⵢⴻⵔⵏⵓ ⴰⴷ ⴷⵢⴻⵙⵙⵉⵡⴹⴻⵏ ⵉⵎⴻⵏⵖⴰⵢⴻⵏ-ⴰ ⵖⴻⵔ ⵛⵛⵕⴻⵄ.
ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⴰⵢ ⴷⵢⴻⵙⵙⵓⴼⴼⴻⵖ ⵙ ⵍⵃⵉⵔ, Guterres ⵢⴻⵏⵏⴰⴷ ⴷⴰⴽⴽⴻⵏ ⴰⵙⵙⴻⵏⵣⵉ ⵏ ⵢⴻⵎⴷⴰⵏⴻⵏ ⴷ « ⵜⴰⵖⴷⴻⵎⵜ (ⵛⵔⵉⵎⴻ) ⵏ ⵜⵎⴻⵏⵖⵉⵡⵜ » ⵢⴻⵔⵏⴰ ⴷ ⴰⵄⴻⴹⴹⴻⵍ ⵏ ⵜⵎⴻⵏⵖⵉⵡⵜ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ, ⴰⵎ ⵡⴰⴽⴽⴻⵏ ⴰⵢ ⴷⵉⵡⴻⴽⴽⴻⴷ ⴷⴰⴽⴽⴻⵏ ⴷ ⵢⵉⵡⴻⵜ ⵙⴻⴳ ⵜⴰⵍⵖⵉⵡⵉⵏ ⵏ ⵜⵎⴻⵏⵖⵉⵡⵜ ⵢⴻⵜⵜⵡⴰⵙⵓⴷⴷⵙⴻⵏ ⴰⵢ ⵍⴰ ⵉⵔⴻⵏⵏⵓ ⵙ ⵜⵖⴰⵡⵍⴰ. ⵖⴻⴼ ⵍⴻⵃⵙⴰⴱⵏⵏⴻⵙ, ⵉⵥⴻⴹⵡⴰⵏ ⵏ ⵜⵎⵓⵔⴰ ⵜⵉⴱⴻⵔⵔⴰⵏⵉⵢⵉⵏ ⵙⵙⴻⵇⴷⴰⵛⴻⵏ ⵡⵉⴷ ⴰⵢ ⴷⵢⴻⵜⵜⵡⴰⵃⴻⵜⵜⵎⴻⵏ ⵓⴳⴰⵔ ⵢⴻⵔⵏⴰ ⵜⵜⴰⵡⵉⵏⴷ ⵔⵔⴱⴻⵃ ⴷ ⴰⵎⴻⵇⵔⴰⵏ ⵙ ⵍⴻⵇⴷⵉⵛⴰⵜ ⴰⵢⴷⴻⴳ ⵍⵍⴰⵏⵜ ⵜⵖⴰⵡⵙⵉⵡⵉⵏ ⵏ ⵜⴽⴻⵔⴽⴰⵙ, ⵏ ⵜⵃⴻⵇⵔⴰⵏⵉⵜ ⴻⴷ ⵜⵎⴻⵃⵇⵔⴰⵏⵉⵜ.
ⴰⵖⴻⵍⵍⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵜⵜⵛⴻⵜⴽⵉⴷ ⵜⵓⴷⴷⵙⵉⵡⵉⵏⴰ ⵙ ⵓⵙⵙⴻⴼⵔⴻⴽ ⵏ ⵜⵖⴰⵡⵙⵉⵡⵉⵏ ⵏ ⵍⵇⴰⵏⵓⵏ ⴻⴷ ⵓⵙⵙⴻⴽⵛⴻⵎ ⵏ ⵜⵖⴰⵡⵙⵉⵡⵉⵏ ⵏ ⵓⵙⵙⵉⵡⴻⴹ ⵏ ⵍⵇⴰⵏⵓⵏ, ⴰⵎ ⵡⴰⴽⴽⴻⵏ ⴰⵢ ⵙⵙⴻⵇⴷⴰⵛⴻⵏ ⴷⴰⵖ ⵉⵥⴻⴹⵡⴰⵏ ⵏ ⵜⵎⵉⴳⵔⴰ ⴻⴷ ⵡⴰⵍⵍⴰⵍⴻⵏ ⵉⵜⴻⴽⵏⵓⵍⵓⵊⵉⵢⴻⵏ ⵉ ⵍⵎⴻⵏⴷ ⵏ ⵓⵙⵙⴻⴽⵛⴻⵎ, ⵏ ⵓⵃⴱⴰⵙ ⴻⴷ ⵓⵃⴱⴰⵙ ⵏ ⵡⵉⴷ ⴰⵢ ⵜⵜⵃⴻⵜⵜⵉⵎⴻⵏ. ⵍⵍⵓⵣⵉⵏ ⵏ ⵓⵙⵇⴻⵔⴷⴻⵛ ⵜⵜⴽⴻⵎⵎⵉⵍⴻⵏ ⵙⴻⴳ ⵓⵅⴻⴷⴷⵉⵎ ⵏ ⵍⵃⴻⵕⵙ ⴰⵔⵎⴰ ⴷ ⴰⵙⵇⴻⵔⴷⴻⵛ ⵏ ⵜⵎⴻⵟⵟⵓⵜ ⴰⵔⵎⴰ ⴷ ⴰⵖⴻⴹⴹⴻⵎ ⴷⴻⴳ Internet.
ⴳⵓⵜⴻⵔⵔⴻⵙ ⵉⴳⴻⵔⴷ ⵜⵉⵖⵔⵉ ⵉ « ⵓⵄⴻⴹⴹⴻⵍ ⵏ ⵍⴻⵎⵜⴻⵍ ⴰⴷⴰⵎⵙⴰⵏ » ⵏ ⵓⵙⵙⴻⵜⵜⵉ ⵏ ⵢⴻⵎⴷⴰⵏⴻⵏ ⵙ ⵜⵓⴽⴽⵙⴰ ⵏ ⵜⵎⴻⵏⴹⴰⵡⵜ ⵓⵔ ⵏⴻⵙⵄⵉ ⵍⵃⴻⵇⵇ, ⵙ ⵓⵙⵃⵓⵍⴼⵓ ⵏ ⵔⵔⴱⴻⵃ ⵓⵔ ⵏⴻⵍⵍⵉ ⴷ ⵍⵇⴰⵏⵓⵏ, ⴷ ⵓⵙⵙⴻⵊⵀⴻⴷ ⵏ ⵢⵉⵖⴰⵍⵍⴻⵏ ⵏ ⵍⵇⴰⵏⵓⵏ ⴰⴽⴽⴻⵏ ⴰⴷ ⴷⵙⵙⵉⵡⴹⴻⵏ ⵜⴰⵖⴷⴻⵎⵜ ⵉ ⵡⵉⴷ ⴰⵢ ⵢⴻⵜⵜⵡⴰⴹⴹⴼⴻⵏ. ⵢⴻⵙⵙⵓⵜⴻⵔ ⴷⴰⵖ ⵜⵉⴷⴷⵓⴽⵍⵉⵡⵉⵏ ⵉⵊⴻⵀⴷⴻⵏ ⴷ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷ ⵓⴳⵣⵓⵎ ⴰⵡⵃⵉⴷ, ⵍⴰⴷⵖⴰ ⵜⵉⵕⵎⵉⵙⵉⵏ ⵏ ⵜⴻⴽⵏⵓⵙⵙⵏⴰ, ⵉ ⵍⵎⴻⵏⴷ ⵏ ⵓⵙⵏⴻⵔⵏⵉ ⵏ ⵓⵙⵙⴻⴼⵇⴻⴷ, ⵏ ⵓⵙⵏⵓⵍⴼⵓ ⵏ ⵢⵉⴱⴻⵔⴷⴰⵏ ⵏ ⵓⵄⴻⵢⵢⴻⵏ ⵉⴳⴻⵔⵔⵣⴻⵏ, ⴷ ⵓⵃⵓⴷⴷⵓ ⵢⴻⵍⵀⴰⵏ ⵏ ⵡⵉⴷ ⴰⵢ ⴷⵢⴻⵜⵜⵡⴰⵃⴻⵜⵜⵎⴻⵏ.
ⵙⴻⴳ ⵢⵉⴷⵉⵙⵏⵏⴻⵙ, ⵜⵓⴷⴷⵙⴰ ⵜⴰⴳⵔⴰⵖⵍⴰⵏⵜ ⵏ ⵢⵉⵎⵉⵏⵉⴳⴻⵏ (OIM) ⵜⴻⵏⵏⴰⴷ ⵜⵉⴽⴽⴻⵍⵜ ⵏⵉⴹⴻⵏ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷⵜⵉⵍⵉ ⵜⵉⴳⴰⵡⵜ ⵢⴻⵜⵜⵡⴰⵙⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⵓⵃⴱⴰⵙ ⵏ « ⵓⵙⵙⴻⴽⵛⴻⵎ ⵏ ⵢⵉⵎⵉⵏⵉⴳⴻⵏ », ⵍⴰⴷⵖⴰ ⵜⵉⵎⵙⴰⵍ ⴰⵢⴷⴻⴳ ⵉⵎⵉⵏⵉⴳⴻⵏ ⴷ ⵢⵉⴳⴻⵔⴷⴰⵏ ⵜⵜⵡⴰⵃⴻⵜⵜⵎⴻⵏⵜ ⵙⵖⵓⵔ ⵜⵔⴻⴱⴱⴰⵄ ⵜⵉⴳⴻⵏⵡⴰⵏⵉⵏ ⴰⴽⴽⴻⵏ ⴰⴷ ⴳⴻⵏ ⵜⵉⵖⴰⵡⵙⵉⵡⵉⵏ ⵓⵔ ⵏⴻⵍⵍⵉ ⴷ ⵜⵉⵣⴻⵔⴼⴰⵏⵉⵏ.